Вызвалены палітвязень Павел Ракоца
Павел Ракоца / vk.com
Ён быў за кратамі з ліпеня 2022 года і цалкам адбыў тэрмін.
Вызвалены палітвязень Павел Ракоца. Ён быў за кратамі з ліпеня 2022 года і цалкам адбыў тэрмін, паведамляюць праваабаронцы.
Ракоца — жыхар Гомеля. Пасля поўнамаштабнага ўварвання Расіі ва Украіну ён у сацсетках актыўна выказваўся супраць вайны. Пазней яго старонка была заблакаваная па рашэнні Генпракуратуры РФ. Як падкрэсліваюць праваабаронцы, менавіта антываенныя выказванні Паўла Ракоцы маглі стаць прычынай абвінавачвання яго ў "распальванні іншай сацыяльнай варожасці" (судовы працэс праходзіў у закрытым рэжыме, таму падрабязнасці справы невядомыя). У лютым сёлета ён быў асуджаны на паўтара года калоніі агульнага рэжыму (рашэнне прыняў суддзя Гомельскага абласнога суда Анатоль Сотнікаў). Мужчыну таксама прызналі вінаватым у "абразе Лукашэнкі" і "абразе прадстаўніка ўлады". Беларускія праваабаронцы прызналі яго палітвязнем.
Ракоца вызваліўся з ПК № 1 у Наваполацку.
На сённяшні дзень у Беларусі налічваецца амаль паўтары тысячы палітвязняў.
