Выратаваная пінчанка, чыя галава захрасла паміж трубой і батарэяй
У панядзелак, 6 жніўня, супрацоўнікі МНС выратавалі жыхарку Пінска, галава якой захрасла паміж трубой і батарэяй. Пра гэта расказаў інспектар Пінскага ГРАНС Алег Кірылка. Паводле яго слоў, жанчыне зрабілася кепска, яна ўпала і захрасла. Каля 13:00 у цэнтр аператыўнага ўпраўлення Пінскага ГРАНС звярнулася па дапамогу жыхарка шматкватэрнага дома на Рэвалюцыйнай. Даць рады сваёй бядзе самастойна пінчанка не змагла. Як паведамляе varjag.net, супрацоўнікі МНС аператыўна выбылі на выклік. Па прыбыцці да месца ратавальнікі дапамаглі жанчыне вызваліцца пры дапамозе спецыяльнай прылады — расціскальных кусачак.
