Выпускнікі МІУ, дзе страйкавалі студэнты, будуць здаваць іспыты ў БНТУ

Выключэннем сталі 64 выпускнікі спецыяльнасці "транспартная лагістыка".

“Тэрмін іх навучання на дзённай форме складае 4,5 гады, на завочнай — 5,5 гады. Тэрмін іх навучання сканчаецца 26 студзеня. Каб студэнты маглі навучанне скончыць у гэтыя тэрміны, яны пераводзяцца ў БНТУ, дзе ёсць такая ж спецыяльнасць”, — распавёў Еўрарадыё дэкан МІУ Аляксей Патоцкі.

Як і абяцала Мінадукацыі, завяршаць навучанне студэнты будуць па навучальных планах МІУ. Кіраўнікамі дыпломаў у іх таксама застануцца выкладчыкі з МІУ. Да таго ж аднаго выкладчыка з МІУ ўключаць у дзяржкамісію.

Кіраўніцтва прыватнага ўніверсітэта заяўляе, што іншых зменаў няма. Пакуль што ў МІУ чакаюць адказы на свае лісты з Мінадукацыі, Адміністрацыі прэзідэнта і Савета міністраў. Пасля гэтага будуць вырашаць, што рабіць далей.