Вольга Гаварцова прайграла ў другім крузе тэніснага турніру ў Маямі
Беларуская тэнісістка ў 1/32 фіналу турніру ў Маямі 20 сакавіка саступіла італьянцы Флавіі Пенета — 3:6, 3:6.
У кваліфікацыі Гаварцова ўзяла верх над амерыканкай Шэлбі Роджэрс — 6:2, 6:1 і немкай Юліяй Гёргес — 7:6 (7:3 ), 6:2, нагадвае БелаПАН. У стартавым матчы асноўнай стадыі спаборніцтваў нашая спартоўка абыграла ізраільцянку Шахар Пеер — 2:6, 6:0, 6:3.
Чацвёртая ракетка свету Вікторыя Азаранка, якая выйгравала турнір у 2009 і 2011 гадах, сёлета не выступае на ім з-за траўмы.
Фота — minsknews.by
