Вольга Анішчук і Наста Лойка прызнаныя палітзняволенымі
Наста Лойка / t.me/humanconstanta
Беларускія праваабаронцы прызналі палітвязнямі яшчэ трох чалавек. Гэта — жонка палітвязня Арцёма Анішчука Вольга Анішчук, праваабаронца Наста Лойка і святар Уладзіслаў Багамольнікаў. Праваабарончыя арганізацыі лічаць іх справы палітычна матываванымі і патрабуюць вызвалення.
Вольга Анішчук за кратамі з 4 лістапада. Яе два разы арыштоўвалі за перасылкі з "экстрэмісцкіх" тг-каналаў. За кратамі жанчына аб'яўляла галадоўку. Праваабаронцам вядома, што яна знаходзіцца ў цяжкіх умовах.
Наста Лойка за кратамі з 28 кастрычніка. У канцы лістапада яе трэці раз запар асудзілі на 15 сутак адміністрацыйнага арышту. На адным з судоў Лойка распавядала пра катаванні.
Уладзіслаў Багамольнікаў за кратамі з 31 жніўня. У пятніцу стала вядома, што яго арыштавалі сёмы раз запар.
На 2 снежня ў спісе беларускіх палітвязняў ужо 1449 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.