"ВКонтакте" праводзіць эксперымент — змагаецца з абразамі ў каментарах

"ВКонтакте" анансавала змаганне з абразамі ў каментарах. Новая функцыя сацсеткі мусіць дапамагчы абараніць падлеткаў, якія найчасцей сутыкаюцца з агрэсіяй і здзекамі.

Прэс-служба "ВКонтакте" тлумачыць, як працуе новаўвядзенне. Падчас напісання карыстальнікам каментара алгарытмы вызначаюць, ці ёсць у тэксце прыкметы абразаў. Калі яны ёсць, з'яўляецца парада не траціць час на агрэсію і адмовіцца ад такога каментара.

Эксперымент праводзіцца адзін дзень — 4 лістапада. Па яго выніку прымуць рашэнне, наколькі эфектыўна зніжалася колькасць негатыву ў каментарах.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.