Візавыя цэнтры адновяць прыём дакументаў на эстонскія візы

Візавыя цэнтры адновяць прыём дакументаў на эстонскія візы. Пра гэта паведаміў дарадца Святланы Ціханоўскай Франак Вячорка.

"Наш прадстаўнік у Эстоніі ўжо звязаўся з МЗС Эстоніі, — піша ён у Telegram. — Праблема была звязаная з затрымкай кантракту паміж МЗС Эстоніі і кампаніяй VHS Global. Прыём дакументаў адноўлены".

Раней з'явілася інфармацыя пра часовае прыпыненне з 1 верасня прыёму дакументаў у Беларусі. Прычыны не паведамляліся.

Эстонскія візавыя цэнтры ў Беларусі часова прыпынялі працу ў траўні.