Азаранка згуляе ў 1/4 фінала Australian Оpen з Радваньскай
Раней у 15 сустрэчах беларуска перамагала польку Агнешку Радваньску 12 разоў.
У іншых чвэрцьфіналах адкрытага чэмпіянату Аўстраліі згуляюць: кітаянка На Лі і італьянка Флавія Пенета, сербка Ана Іванавіч (гэта яна выбіла ў 1/8 фінала амерыканку, першую ракетку свету Серэну Уільямс) і канадка Эжані Бушар, славачка Дамініка Цыбулкава (яна выбіла расіянку, трэцюю ракетку свету Марыю Шарапаву) і румынка Сімона Халеп.
Нагадаем, у апошнія два гады Вікторыя Азаранка перамагала на Australian Оpen.
