Вікторыя Азаранка не можа паехаць на "Australian Open" праз судовы працэс

Вікторыя Азаранка не згуляе на "Australian Open", бо занятая ў судовым працэсе. Беларуская тэнісістка, як піша "Прессбол", увогуле не заяўлена ні на адзін турнір у студзені 2020 года.

Азаранка пацвердзіла, што вымушаная прапусціць турнір праз асабістыя праблемы. Паўнавартасна трэніравацца і рыхтавацца да спаборніцтваў ёй перашкаджае судовы працэс. 

У Азаранкі працягваецца суд па апецы над сынам. З-за гэтага судовага працэсу яна не можа выехаць за межы ЗША. Суд цягнецца з 2017 года.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.