Вэб-камера зняла мінскіх дамушніц падчас крадзяжу (відэа)
Зладзейкі-"дамушніцы" абрабавалі кватэру ў Мінску, але трапілі ў камеру ноўтбука.
Мінчук пабачыў дзіўную карціну, калі на працы праз інтэрнэт вырашыў праверыць, што адбываецца ў яго дома. Ён заўважыў дзвюх незнаёмак, якія нешта старанна шукалі ў яго кватэры. Хлопец адразу ж выехаў дадому і выклікаў міліцыю, паведамляе СТВ.
Зладзюжкі паспелі скрасці сабой некалькі соцень тысяч рублёў, флэшку для мабільніка і гадзіннік. У праваахоўнікаў ёсць надзея, што дзякуючы відэа знайсці дамушніц будзе лёгка.
