Васьмігадовы кіяўлянін атрымаў позву ў войска (відэа)
Івану Астравушку толькі восем гадоў, ён вучыцца ў другім класе. Тым не менш ён атрымаў позву з ваенкамата.
Вінаватымі ў такім кур'ёзе выявіліся пашпартысты ЖЭСа, паведамляе сайт podrobnosti.ua. Пашпартысты кажуць, што аўтаматычна прабілі 1995 год нараджэння замест 2005-га. У ЖЭСе кажуць, што ўжо выправілі памылку і паведамілі ў ваенкамат.
Тым не менш ваенны камісар Кіеўскага ваенкамата Уладзімір Кідан паабяцаў, што школьніка ў войска ўсё ж возьме — на экскурсію.
Фота — ateismy.net
