У Лос-Анджэлесе адбылася 95-я цырымонія ўручэння ўзнагарод амерыканскай кінаакадэміі. Найлепшым фільмам прызналі "Усё, усюды і адразу" рэжысёраў Дэна Квана і Дэніэла Шайнерта. Ён перамог ва ўсіх асноўных намінацыях — агулам 7 "Оскараў".
Мішэль Йеа ("Усё, усюды і адразу") атрымала прэмію за найлепшую жаночую ролю, Брэндан Фрэйзер ("Кіт") атрымаў "Оскар" за найлепшую мужчынскую ролю.
"На Заходнім фронце без перамен" Эдварда Бергера атрымаў "Оскар" за найлепшы замежны фільм.
Найлепшым дакументальным фільмам стаў "Навальны" канадскага рэжысёра Дэніэла Роэра.
