Урад вызначыў, колькі будуць каштаваць паслугі міліцыі на масавых мерапрыемствах

Урад вызначыў, колькі будуць каштаваць паслугі міліцыі на масавых мерапрыемствах

Беларускі ўрад вызначыў, колькі будуць каштаваць паслугі міліцыі па ахове грамадскага парадку падчас правядзення масавых мерапрыемстваў. Пастанова (№ 49 ад 24 студзеня) пачала дзейнічаць з 26 студзеня. Адзначаецца, што яе дзеянне распаўсюджваецца на тыя вулічныя акцыі, якія арганізуюць прафсаюзы, палітычныя партыі, грамадскія аб'яднанні і проста грамадзяне (за выключэннем акцый, якія фінансуюцца з дзяржбюджэту). Калі мясцовыя ўлады даюць дазвол, арганізатар не пазней за два дні да мерапрыемства мусіць заключыць дамовы па ахове грамадскага парадку, па медабслугоўванні і прыборцы тэрыторыі.

Кошт паслуг міліцыі залежыць ад колькасці ўдзельнікаў акцыі. Калі іх да 10 чалавек, давядзецца заплаціць 76,5 рубля (тры базавыя велічыні), калі да 100 чалавек — 637,5 (25 базавых), да 1000 чалавек — 3825 рублёў (150 базавых), больш за 1000 удзельнікаў акцыі — 6375 рублёў (250 базавых велічынь). У выпадку, калі масавае мерапрыемства дазволена па-за пастаянным месцам для яго правядзення, тады да прыведзеных вышэй коштаў выкарыстоўваецца павышаючы каэфіцыент 1,5.

Апошнія навіны

Галоўнае

Выбар рэдакцыі