Украінскі навучальны дапаможнік прызналі ў Беларусі "экстрэмісцкім"

У Беларусі "экстрэмісцкім" прызналі ўкраінскі навучальны дапаможнік "Як говорити про російсько-українську війну в школі". Як заўважылі праваабаронцы "Вясны", такое рашэнне прыняў 13 сакавіка суд Ленінскага раёна Брэста.

У дапаможніку гаворыцца, што яго мэта — "спрыяць фармаванню грамадзянскай пазіцыі ў вучняў і вучаніц, навучыць іх адрозніваць факты ад фэйкаў, не паддавацца на маніпуляцыі і варожую прапаганду".

У выданні расказваецца пра ўварванне Расіі ва Украіну, у тым ліку пра тое, як расійскія войскі заходзілі з тэрыторыі Беларусі.