Украіна вярнула з расійскага палону 22 чалавекі
![Украінцы вяртаюцца з палону / Украинцы возвращаются из плена / t.me/ermaka2022](/sites/default/files/styles/gallery_main/public/2023-08/ukr-0708-1_1.jpg.webp?itok=JYtcbtDM)
Украінцы вяртаюцца з палону / t.me/ermaka2022
Яшчэ 22 абаронцаў вярнула Украіна з расійскага палону, паведамляе кіраўнік Офіса прэзідэнта Украіны Андрэй Ярмак.
Сярод іх — байцы ВСУ (у тым ліку два афіцэры), шарагоўцы і сяржанты. Паведамляецца, што вайскоўцы ўдзельнічалі ў баях на розных напрамках.
Самаму старэйшаму з вайскоўцаў споўнілася 54 гады, самаму малодшаму — 23.
Сярод вызваленых ёсць параненыя і хворыя.
Як адзначае hromadske.ua, гэта ўжо 48-ы абмен, які ўдалося правесці. Ва Украіну з палону вярнуліся 2598 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.