У Жабінцы п'яны бяспраўнік учыніў аўтапагром на могілках
Натуральны пагром на могілках учыніў аўтааматар у Жабінцы ў суботу, 23 верасня.
Здарэнне адбылося каля 14-й гадзіны. 30-гадовы кіроўца аўтамабіля "Форд Транзіт" ехаў па гравійнай дарозе ў напрамку вуліцы Палявой. Мужчына не справіўся з кіраваннем і ўрэзаўся ў агароджу мясцовых могілак. Аўтамабіль знёс тры пралёты агароджы, а таксама пашкодзіў дзве надмагільныя пліты. З месца здарэння кіроўца ўцёк, адзначае сайт gaibrest.by.
Праваахоўнікі затрымалі яго па месцы жыхарства. Медагляд паказаў у яго 1,8 праміле алкаголю.
На кіроўцу склалі пяць адміністрацыйных пратаколаў. Падчас праверкі выявілася, што ў сакавіку 2014 года мужчына быў пазбаўлены правоў кіравання транспартам, але дагэтуль знаходзіцца ў актыўным статусе пазбаўлення.
Па факце ДТЗ праводзіцца праверка.
