У Віцебску створаны камітэт у абарону Сяргея Парсюкевіча
Грамадскі камітэт у абарону грамадскага актывіста, лідэра прадпрымальніцкага руху Сяргея Парсюкевіча, які быў збіты ў турме на Акрэсціна, створаны ў Віцебску. Нагадаем, Парсюкевіч быў арыштаваны за ўдзел у мітынгу прадпрымальнікаў
на Кастрычніцкай плошчы сталіцы. Паводле словаў прадпрымальніка, 21
студзеня яго моцна збіў адзін з ахоўнікаў турмы. Зараз па гэтым
факце пракуратура Маскоўскага раёна Мінску праводзіць праверку.
Падрабязнасці паведамляе нашая карэспандэнтка Ядвіга Сташэўская:
“Ініцыятыўная група, якая складаецца з чатырох чалавек, плануе прыцягнуць увагу грамадскасці, палітычных лідэраў, прадстаўнікоў АБСЕ да сітуацыі, у якой апынуўся віцебскі актывіст.
Паводле словаў старшыні грамадскага камітэту Хрыстафора Жаляпава, можа стацца так, што па выніках праверкі Парсюкевіча абвінавацяць у тым, што гэта ён здзейсніў напад на супрацоўніка міліцыі. Увага грамадскасці, паводле спадара Жаляпава, дапаможа зрабіць разбіральніцтва па гэтай справе аб'ектыўным”.
Паведамляецца, што Сяргей Парсюкевіч, які пакутуе на астму і захворванне страўніка, зараз ні з кім не сустракаецца: пасля таго, што здарылася на Акрэсціна, ён знаходзіцца ў цяжкім фізічным і псіхічным стане.
Падрабязнасці паведамляе нашая карэспандэнтка Ядвіга Сташэўская:
“Ініцыятыўная група, якая складаецца з чатырох чалавек, плануе прыцягнуць увагу грамадскасці, палітычных лідэраў, прадстаўнікоў АБСЕ да сітуацыі, у якой апынуўся віцебскі актывіст.
Паводле словаў старшыні грамадскага камітэту Хрыстафора Жаляпава, можа стацца так, што па выніках праверкі Парсюкевіча абвінавацяць у тым, што гэта ён здзейсніў напад на супрацоўніка міліцыі. Увага грамадскасці, паводле спадара Жаляпава, дапаможа зрабіць разбіральніцтва па гэтай справе аб'ектыўным”.
Паведамляецца, што Сяргей Парсюкевіч, які пакутуе на астму і захворванне страўніка, зараз ні з кім не сустракаецца: пасля таго, што здарылася на Акрэсціна, ён знаходзіцца ў цяжкім фізічным і псіхічным стане.
