У туркомплексе пад Мінскам выбухнуў кацёл самагоннага апарата
У турыстычным комплексе "Дукорскі маёнтак" ў Пухавіцкім раёне Міншчыны ў суботу, 10 чэрвеня, выбухнуў кацёл самагоннага апарата. Здарэнне адбылося каля 11-й гадзіны дня, паведамляе прэс-служба МНС.
Туркомплекс мае афіцыйны дазвол на выраб самагону.
Пры выбуху ў будынку часткова абваліўся дах, была пашкоджаная маёмасць. Пацярпеў работнік вінакурні. Як паведамляе sb.by, мужчына атрымаў разнастайныя траўмы і апёкі 1-3-й ступеняў 30% цела. Яго шпіталізавалі.
Прычына выбуху высвятляецца.
