У Слуцку адзначаюць угодкі антысавецкага паўстання (абнаўляецца)
У Слуцку сёння адзначаюць угодкі антысавецкага паўстання 1920 года — Слуцкага збройнага чыну. Шэсце, мітынг і святочны канцэрт дазволілі мяцовыя ўлады.
Прыкладна ў 11:30 у Слуцк прыбыў аўтобус з удзельнікамі з Мінска. Людзей няшмат. Яны трымаюць бел-чырвона-белыя сцягі, а таксама сімволіку розных апазіцыйных партыяў і рухаў.
12:15. Удзельнікі акцыі зладзілі шэсце і прыйшлі на пляцоўку, дзе адбываецца мітынг.
Як пазначана ў афіцыйна зацверджаным графіку мерапрыемства, пасля кароткага шэсця ў парку культуры і адпачынку адбудзецца мітынг.
Слуцкі збройны чын, або Слуцкае паўстанне — спроба ўзброенай абароны незалежнасці Беларусі ў раёне Слуцка ў лістападзе і снежні 1920 года. Прыкладна месяц беларускія вайсковыя аддзелы, сфармаваныя пераважна з мясцовых сялянаў, чынілі супраціў савецкім войскам.
