У рэйтынгу самых шчаслівых краін свету Беларусь займае 75-е месца
![У рэйтынгу самых шчаслівых краін свету Беларусь займае 75-е месца](/sites/default/files/styles/gallery_main/public/2023-08/2020-03-17t102752z_1915817540_rc2mlf96bphg_rtrmadp_3_health-coronavirus-belarus.jpg.webp?itok=Wn_ZtMJt)
Апублікаваны рэйтынг самых шчаслівых краін свету. Паводле апошняй справаздачы The World Happiness Report, Беларусь у ім займае 75-е месца з 153 краін. Год таму наша краіна была 81-й.
Самыя шчаслівыя краіны свету — Фінляндыя, Данія і Швейцарыя. Літва — 41-я, Польшча — 43-я, Латвія — 57-я, Расія — 73-я, Украіна — 123-я. Самая нешчаслівая краіна — Афганістан.
Даклад The World Happiness Report штогод рыхтуецца структурамі ААН. Пры гэтым улічваюцца самыя розныя паказчыкі: сацыяльная падтрымка насельніцтва, карупцыя ў краіне, працягласць жыцця людзей і г. д.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.