У Рэчыцы вада затапіла аўтамабілі і нават некаторыя жылыя памяшканні
![Рэчыца, 23 красавіка 2024-га](/sites/default/files/styles/gallery_main/public/2024-04/re1.jpg.webp?itok=geN_Tnhv)
Рэчыца, 23 красавіка 2024-га / dneprovec.by
У Рэчыцы вада часткова затапіла прыватны сектар — падворкі, агароды, склепы, гаспадарчыя пабудовы, аўтамабілі і нават некаторыя жылыя памяшканні. Мясцовая газета піша, што з панядзелка людзі з Пуцявой вуліцы ў разгубленасці — яны не былі гатовыя да такой паводкі. Праблемы такога маштабу там не ўзнікалі вельмі даўно. Мясцовасць нізінная, дамы і прысядзібныя ўчасткі размяшчаюцца ніжэй за ўзровень праезнай часткі, адзначае dneprovec.by.
Ратавальнікам і камунальнікам паставілі задачу вызваліць прыватнную забудову ад вады, ідзе яе адпампоўка. У Рэчыцкім райвыканкаме кажуць, што праблема не толькі з Пуцявой вуліцай, бо ёсць падтапленні і ў іншых месцах. Чыноўнікі раяць пацярпелым збіраць даведкі на пакрыццё маёмаснай шкоды.
![У Рэчыцы вада затапіла аўтамабілі і нават некаторыя жылыя памяшканні](/sites/default/files/styles/default_image_paragraph/public/paragraphs/image/42830_2.jpg.webp?itok=w8xCk1gM)
![У Рэчыцы вада затапіла аўтамабілі і нават некаторыя жылыя памяшканні](/sites/default/files/styles/default_image_paragraph/public/paragraphs/image/42830_1.jpg.webp?itok=wL3Xa3AJ)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.