У праваслаўных — нараджэнне Божае Маці
Гэта адно з вялікіх царкоўных святаў, усталяванае ў гонар нараджэння найсвяцейшай Панны Марыі, маці Ісуса Хрыста.
Панна Марыя нарадзілася ў невялікім галілейскім горадзе Назарэце. Яе бацькамі былі праведныя Якім і Анна. Яны былі вядомыя сваёй пакорлівасцю і міласэрнасцю, дапамагалі бедным і часта наведвалі храмы. У сталым узросце яны заставаліся бяздзетнымі і далі абяцанне прысвяціць Богу немаўля, якое ў іх народзіцца. Гасподзь выканаў іх просьбу.
У Якіма і Анны нарадзілася дачка, якую назвалі Марыяй. Яе нараджэнне прынесла радасць усяму свету, бо яна стала маці Ісуса Хрыста.
У дзень нараджэння Божае Маці ў храмах ідзе ўрачыстае набажэнства, якому папярэднічае ўсяночная.
