У паміраючай вёсцы ў Гарадоцкім раёне пасяліліся "Ваўкі"

Поўнаметражную стужку “Ваўкі” па аднайменнай аповесці Аляксандра Чакмянёва здымаюць у заснежанай вёсачцы Андрэенкі ў Гарадоцкім раёне Віцебскай вобласці кінематаграфісты “Беларусьфільма”.
Вёска, дзе засталося ўсяго тры жылыя хаты, зацікавіла творцаў сваім падабенствам з глухой сібірскай станцыяй першых пасляваенных гадоў. Рэжысёр фільма Аляксандр Колбышаў запрасіў на здымкі вядомых беларускіх і расійскіх акцёраў Андрэя Паніна, Уладзіміра Гасцюхіна, Дзмітрыя Ульянава, Тамару Міронаву, паведамляе "Народная газета".