У Оршы забаранілі канцэрт Змітра Вайцюшкевіча
Выступ музыкі быў прымеркаваны да дня нараджэння Уладзіміра Караткевіча. Ён мусіў адбыцца ў музеі пісьменніка сёння а 17-й гадзіне.
Зміцер Вайцюшкевіч збіраўся выканаць песні на словы Уладзіміра Караткевіча. Як паведамляе Радыё "Свабода", пра забарону стала вядома ўчора. Самому Вайцюшкевічу, па яго словах, нічога не патлумачылі.
Дырэктар Музейнага комплексу гісторыі і культуры Аршаншчыны Уладзімір Кузубаў не назваў прычыны, па якіх адменены канцэрт. У самім музеі Караткевіча кажуць, што адбылася накладка і што замест канцэрта Вайцюшкевіча адбудзецца вечарына пад назвай "Душа застанецца", таксама прысвечаная Караткевічу.
Нагадаем, што напярэдадні таксама быў сарваны выступ Змітра Вайцюшкевіча ў Полацку.
Фота — svaboda.org
