У Нур-Султане Лукашэнку ўзнагародзілі ордэнам Нурсултана

Прэзідэнт Казахстана Касым-Жамарт Такаеў узнагародзіў кіраўнікоў Беларусі, Расіі і Кыргызстана. Адпаведны ўказ быў падпісаны 27 траўня:

"У гонар азнаменавання 25-годдзя ідэі аб еўразійскай інтэграцыі і 5-годдзя падпісання Дамовы аб Еўразійскім эканамічным саюзе, а таксама за асаблівы ўнёсак у паглыбленне і пашырэнне супрацоўніцтва з Рэспублікай Казахстан пастанаўляю ўзнагародзіць ордэнам "Першы Прэзідэнт Рэспублікі Казахстан — Лідар Нацыі Нурсултан Назарбаеў":

Пуціна Уладзіміра Уладзіміравіча — прэзідэнта Расійскай Федэрацыі,

Лукашэнку Аляксандра Рыгоравіча — прэзідэнта Рэспублікі Беларусь,

Жээнбекава Соаранбая Шарыпавіча — прэзідэнта Кыргызскай Рэспублікі".

Як вядома, Аляксандр Лукашэнка 28 траўня прыляцеў у Казахстан на пасяджэнне Вышэйшага Еўразійскага эканамічнага савета і ўжо сустрэўся з Такаевым. Узнагароду ён атрымаў падчас сустрэчы з Нурсултанам Назарбаевым.