У Мінску зрабілі стометровыя макароны (фота)
На кулінарным фэсце ў парку Горкага спрабавалі паставіць рэкорд.
У мінскім цэнтральным дзіцячым парку імя Горкага два дні ішоў кулінарны фестываль, арганізаваны "Вкусным блогом" і Гільдыяй кухараў Беларусі.
У нядзелю, 18 жніўня, на фэсце спрабавалі паставіць рэкорд і зрабіць самую доўгую ў свеце пасту. Арганізатары разлічвалі выцягнуць локшыны на 400 метраў. На жаль, такой даўжыні дасягнуць не ўдалося — паста падсохла і зрабілася крохкай. Таму давялося спыніцца на даўжыні прыкладна ў 103 метры.
