У Мінску затрымалі падазраваных у нападзенні на жанчыну-таксіста
Позна ўвечары мужчына і жанчына спынілі таксоўку на вуліцы Стаханаўскай і папрасілі давезці іх да завулка Баграціёна.
Неўзабаве пасажырка схапіла кіроўцу за валасы ды пачала наносіць ёй удары ў твар і па шыі ды патрабаваць аддаць грошы і мабільныя тэлефоны. Мужчына ў бойку не ўмешваўся, але паўтараў гэтыя патрабаванні. У выніку, зламыснікі сілай забралі 7 мільёнаў рублёў, больш за 250 долараў, два мабільныя тэлефоны, пасля чаго ўцяклі.
На працягу сутак міліцыянеры знайшлі ўдзельнікаў разбойнага нападу. Частку грошай яны ўжо паспелі патраціць, інфармуе прэс-служба сталічнай міліцыі.
Фота — Fotolia
