У Мінску развіталіся з Андрэем Зельцэрам

У Мінску развіталіся з Андрэем Зельцэрам. У сераду яго пахавалі на Лясных могілках у Шабанах. Фотаздымкі з'явіліся ў сацсетках.

Айцішнік загінуў 28 верасня ў перастрэлцы з сілавікамі ва ўласнай кватэры. Яму быў 31 год. Тады загінуў і афіцэр КДБ Дзмітрый Федасюк. Яго пахавалі 1 кастрычніка.

Цела Андрэя Зельцэра прывезлі на могілкі наўпрост з моргу, паколькі ўсе рытуальныя залы сталіцы адмовіліся прадаставіць памяшканне, напісала ў Facebook Наталля Дуліна, звольненая выкладчыца МДЛУ.

Сведкі кажуць, што на развітанні было каля 100 чалавек.