У мінскім смеццеправодзе знайшлі цэлы арсенал зброі
Супрацоўнікі Заводскага РУУС сталіцы высвятляюць, хто выкінуў у смеццеправод жылога дома арсенал газавай зброі і боепрыпасаў.
Як інфармуе interfax.by, пакет са зброяй і боепрыпасамі выявілі на лініі сартавання адкідаў аднаго са сталічных камунальных прадпрыемстваў па вуліцы Сяліцкага пры разборы прывезенага смецця.
З падазронага пакета было вынята 70 адзінак боепрыпасаў да газавай зброі, газавыя рэвальвер і пісталет, 190 патронаў да спартовай зброі і 25 — да баявой. Акрамя таго, у пакеце была навучальная граната Ф-1.
Праваахоўныя органы вядуць праверку.
Фота — aif.ru
