У мінскім метро патлумачылі, як правільна плаціць праз валідатар
Пры аплаце картку варта дастаць з кашалька і паднесці да валідатара яе адну.
Пры бескантактнай аплаце праезду ў метро да валідатара трэба падносіць толькі адну картку — альбо банкаўскую картку, альбо электронны праязны.
З такім афіцыйным тлумачэннем выступіў Мінскі метрапалітэн, каментуючы новаўвядзенне. З 12 чэрвеня на турнікетах ўсіх станцый сталічнай падземкі ў тэставым рэжыме пачалася праца валідатараў для бескантактнай аплаты праезду.
"Нельга падносіць адразу некалькі картак разам, скажам, калі яны знаходзяцца ў партманэ побач адна з другой. Неабходна дастаць адзін бескантактавы электронны плацежны носьбіт і з дапамогай яго правесці аплату", — гаворыцца ў заяве метрапалітэна.
Раней на інтэрнэт-форумах і ў некаторых СМІ з'яўляліся паведамленні, як валідатары знялі грошы за праезд у карыстальнікаў з некалькіх картак. Верагодна, гэта тлумачылася наяўнасцю некалькі картак у партманеце.