У мінскіх гаражах на вуліцы Лынькова адбыўся выбух

12 сакавіка ў 13:20 мінскіх ратавальнікаў выклікалі на пажар гаража на тэрыторыі ГСК-14 па вуліцы Лынькова, 6.

Як паведамляе прэс-служба МНС, на месцы здарэння ратавальнікі пабачылі, што гараць два гаражы на плошчы 20 квадратных метраў. У кожным з іх быў аўтамабіль. У двух размешчаных побач гаражах былі пашкоджаныя перакрыцці на плошчы 40 квадратных метраў.
 
Паводле папярэдняй інфармацыі, у гаражы займаліся зварачнымі работамі, што прывяло да вубуху газапаветранай сумесі. Пасля гэтага ўзнік пажар. 

Паведамляецца, што пацярплых пры здарэнні няма. Пашкоджаныя тры аўтамабілі (у гаражах і побач) і тры гаражы.

На месцы здарэння працуе спецтэхніка і кіналагічная служба МНС.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.