У Мінска будзе 9 гарадоў-спадарожнікаў

Яны будуць падзеленыя на тры групы: прамысловыя — Койданава, Жодзіна, Фаніпаль; аграпрамысловыя — Смалявічы, Стоўбцы, Узда, Рудзенск; турысцка-рэкрэацыйныя — Заслаўле, Лагойск. Стварэнне гарадоў-спадарожнікаў прадугледжана Дзяржаўнай праграмай па будаўніцтве буйных жылых раёнаў для жыхароў Мінска і вынасу са сталіцы ў населеныя пункты краіны вытворчых аб'ектаў. Праграма зацверджаная пастановай Савета міністраў Беларусі №976, паведамляе БелТА.

Да 2020 года на іншыя вытворчыя пляцоўкі Мінска ці за яго межы мусіць адбыцца перанос 18 вытворчых аб'ектаў, якія не адпавядаюць рэгламентам генплана беларускай сталіцы.