У Літве пацверджаны першы выпадак воспы малпаў
![У Літве пацверджаны першы выпадак воспы малпаў](/sites/default/files/styles/gallery_main/public/2023-08/monkeypox-7224613_1280.jpg.webp?itok=W0Hic3N4)
У Літве пацверджаны першы выпадак воспы малпаў. Пра гэта ў сераду паведаміла Міністэрства аховы здароўя гэтай краіны.
Вядома, што шпіталізаваны мужчына. Яму больш за 40 гадоў. Нядаўна ён вярнуўся ў Літву з іншай еўрапейскай краіны.
Па даных Сусветнай арганізацыі аховы здароўя, у свеце з пачатку траўня 2022-га за межамі Афрыкі выяўлена больш за 18 тысяч выпадкаў воспы малпаў, большасць з іх — у Еўропе. Нядаўна на нашым кантыненце былі зафіксаваныя першыя выпадкі смерцяў ад воспы малпаў
Раней выпадкі воспы малпаў былі зафіксаваны ў Польшчы (яшчэ ў чэрвені), Латвіі і Расіі. Інфармацыі пра пацверджаныя выпадкі ў Беларусі няма.
Воспа малпаў пашырылася вясной 2022-га на фоне спаду пандэміі каранавіруса. Захворванне навукоўцам вядомае, да 2003-га воспу малпаў у людзей выяўлялі толькі ў афрыканскіх краінах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.