У Ізраілі з навучальных праграм знікнуць згадкі пра Грэту Тунберг
Грэта Тунберг
У Ізраілі з навучальных праграм знікнуць згадкі пра актывістку са Швецыі Грэту Тунберг. Прычынай такога рашэння Мінадукацыі Ізраіля сталі яе выказванні ў падтрымку Палесціны і сектара Газа, паведамляе jpost.com.
Адзначаецца, што пазіцыя актывісткі "пазбаўляе яе права быць адукацыйным і маральным узорам для пераймання, і яна больш не мае права натхняць і настаўляць ізраільскіх студэнтаў". Мінадукацыі Ізраіля нагадвае пра 1400 ахвяр тэрарыстаў ХАМАС, пра больш за 220 закладнікаў.
Раней у Ізраілі Тунберг абвінавацілі ў павярхоўным і грэблівым стаўленні да канфлікту. Яна заклікала да "неадкладнага спынення агню", да "справядлівасці і свабоды для палестынцаў".
Week 270. Today we strike in solidarity with Palestine and Gaza. The world needs to speak up and call for an immediate ceasefire, justice and freedom for Palestinians and all civilians affected.#FreePalestine #IStandWithPalestine #StandWithGaza #FridaysForFuture
— Greta Thunberg (@GretaThunberg) October 20, 2023
Thread pic.twitter.com/0hVtya0yWO
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.