У Іўеўскім раёне сутыкнуліся тры аўтамабілі
У ДТЗ, якое адбылося 19 снежня каля вёскі Дуды Іўеўскага раёна, сур'ёзныя траўмы атрымалі тры чалавекі, паведамляе tut.by. Інцыдэнт здарыўся каля 8.50.
Паводле папярэдняй інфармацыі, па трасе М6 Мінск — Гродна ехаў кіроўца Opel. На 118-м кіламетры дарогі ён згубіў увагу і сутыкнуўся з Citroen, які рухаўся ў спадарожным напрамку. Ад удару Citroen вынесла на сустрэчную паласу, дзе ён лоб у лоб сутыкнуўся з ВАЗам.
У выніку ДТЗ сур'ёзныя траўмы атрымалі кіроўца Citroen, а таксама кіроўца і пасажыр ВАЗа. Іх давялося шпіталізаваць.
