У інтэрнэце апублікаваныя першыя 500 дакументаў з рэзідэнцыі Януковіча
Уначы на 26 лютага пачалі публікаваць дакументы з тэчак, знойдзеных вадалазамі ў Кіеўскім моры ў Межыгор'і каля рэзідэнцыі Віктара Януковіча.
Дакументацыю выклалі на спецыяльна створаным сайце yanukovychleaks.org. Апублікаваныя дакументы — гэта каля 2% усяго аб'ёму, які трапіў у рукі журналістам, адзначае сайт liga.net. Дакументы працягнуць з'яўляцца па меры іх апрацоўкі.
Таксама на сайце yanukovychleaks.org з'явяцца журналісцкія расследаванні, якія будуць грунтавацца на гэтых дакументах.
Нагадаем, пачынаючы з суботы, 23 лютага, Межыгор'е стала адкрытым для ўсіх ахвочых. Рэзідэнцыю ўжо ахрысцілі "музеем ўкраінскай карупцыі".
Фота — yanukovychleaks.org
