У Гродне хлопчык прынёс дадому баявую гранату
Дзесяцігадовы школьнік знайшоў гранату на зямлі сярод бруду і снегу, калі гуляў у адным з двароў на вуліцы Гагарына.
Хлопчык аднёс металічны прадмет дадому і паказаў маме, якая імгненна выклікала міліцыю, паведамляе БЕЛТА.
Спецыялісты вызначылі, што граната адносіцца да перыяду Першай сусветнай вайны, яна знаходзілася на ўзбраенні нямецкай арміі. З цягам часу снарад, аднак, не страціў паражальных уласцівасцяў.
Знаходку знішчылі на адным з палігонаў.
Фота — weaponland.ru
