У Гомелі завяршылі расследаванне справы аб педафіліі
Фігуранту справы аб педафіліі выстаўленыя абвінавачанні па пяці артыкулах КК / sk.gov.by
У Гомелі завяршылі расследаванне справы аб педафіліі ў дачыненні да 36-гадовага жыхара Мінска. Па дадзеных следства, некалькі гадоў (з 2019 па 2021) ён знаёміўся ў сацыяльных сетках з хлопчыкамі-падлеткамі і правакаваў іх на адкрытую перапіску. Мужчына адпраўляў падлеткам "парнаграфічныя фатаграфіі, а таксама пераконваў іх сфатаграфаваць аголеныя часткі свайго цела і пераслаць гэтыя фатаграфіі яму", расказалі ў СК.
"Устаноўленыя факты, калі абвінавачаны падчас перапісак пераканаў хлопчыкаў з Гомеля, Магілёва і Мінска сустрэцца з ім", а затым уступіў з імі ў палавы кантакт. Для сустрэчы з падлеткамі з абласных цэнтраў мужчына арандаваў у гэтых гарадах кватэры.
Пацярпелымі па справе прызнаныя пяць хлопчыкаў ва ўзросце ад 13 да 15 гадоў. Яны пражываюць у Мінску і трох абласных цэнтрах. Фігуранту справы выстаўленыя абвінавачванні па пяці артыкулах КК. Ён затрыманы. Крымінальная справа перададзеная пракурору Гомеля для накіравання ў суд.
