У ДТЗ пад Оршай жыўцом згарэла жанчына
![У ДТЗ пад Оршай жыўцом згарэла жанчына](/sites/default/files/styles/gallery_main/public/2023-08/vorsza-0108.jpg.webp?itok=nnMC-qEA)
Жудасная аўтааварыя адбылася 1 жніўня ў 9.11 раніцы каля Оршы на трасе М8, паведамляе прэс-служба УУС Віцебскага аблвыканкама.
З боку Магілёва па трасе ехаў аўтамабіль "Toyota Land Cruiser", якім кіраваў 42-гадовы бабруйчанін. У гэты момант на трасе стала разварочвацца грузавая "Газель", якая належыць адной з гандлёвых арганізацый Магілёва. Калі "Газель" стала ўпоперак праезнай часткі, у яе ўрэзалася "Таёта". Удар трапіў у раён паліўнага бака. Ад гэтага зараэліся абедзве машыны.
Кіроўца і два пасажыры "Таёты" пры ДТЗ не пацярпелі. А вось кіроўцу "Газелі" і адну пасажырку даставілі ў аршанскую лякарню з апёкамі цела рознай ступені. Другая жанчына згарэла на месцы.