У Даніі праходзіць кангрэс Санта-Клаўсаў (фота, відэа)
Калядныя дзядулькі сабраліся, каб абмеркаваць свае прафесійныя праблемы.
У сталіцы Даніі Капенгагене гэтымі днямі праходзіць штогадовы Сусветны кангрэс Санта-Клаўсаў. Форум сабраў 125 удзельнікаў з 15 краінаў. World Santa Claus Congress распачаў сваю працу ў панядзелак і завяршыцца сёння.
Праграма трохдзённага форума ўключае розныя акцыі, у тым ліку парады і шоў. Апроч таго, калядныя дзядулькі абмяркуюць свае прафесійныя тэмы, паведамляюць замежныя СМІ.
Фота: REUTERS
