У Brutto новы шэдэўр — кліп "Олимпия" (глядзець)
Песня мусіць выклікаць нянавісць і зайздрасць у сапернікаў, любоў і салідарнасць у сяброў.
14 красавіка гурт Сяргея Міхалка Brutto выклаў у сеціва новы кліп "Олимпия". Яго рэжысёрам выступіў Андрэй Давыдоўскі, вядомы па іншых відэа калектыву. А саму песню выконвае Дзяніс "Лэфт" Мельнік.
Подпіс да кліпа гучыць наступным чынам:
"Нянавісць! Зайздрасць! Злосць! Крыўда! Раздражненне! — менавіта такія пачуцці мы хочам выклікаць у нашых сапернікаў!
Хейтары нас матывуюць на прагрэс і паскарэнне!
Любоў! Павага! Салідарнасць! — Гэта тое, што мы хочам выклікаць у нашых блізкіх і сяброў! І Усё ГЭТА прымушае нас Перамагаць!!!"
1 траўня Brutto выступяць у Вільні на фестывалі Belarus Alternative. А 17 ліпеня — на "Басовішчы-2015".
