У Брэсце Першамай адзначылі пад нацыянальнай сімволікай (фота)
Акцыю ў Дзень працы зладзілі актывісты Беларускай сацыял-дэмакратычнай партыі (Грамада) і кампаніі "Гавары праўду".
Больш за 20 актывістаў прайшлі па цэнтральных вуліцах Брэста, наведалі гарадскі парк 1 Мая. Падчас руху актывісты віншавалі брэстаўчан з міжнародным Днём салідарнасці працоўных у барацьбе за свае правы.
Па звестках сайта БСДП, актывісты распаўсюджвалі паштоўкі, бюлетэні "За наш горад", нацыянальную і партыйную сімволіку.
Як паведамляла Еўрарадыё, брэсцкія ўлады не далі актывістам дазвол на арганізаванае святочнае шэсце і мітынг.
Фота — bsdp.org
