У Беларусі і Расіі будзе новая "дарожная карта"
Чалавек у адкрытым космасе / Ілюстрацыя
У Беларусі і Расіі хутка з'явіцца новая "дарожная карта". На гэты раз — пра адпраўку ў космас першага касманаўта ў гісторыі незалежнай Беларусі.
Мінск разлічвае падпісаць дакумент пра падрыхтоўку беларускага касманаўта на базе "Раскосмасу" ў першым паўгоддзі 2023 года. Імёны кандыдата на палёт у космас і яго дублёра будуць вядомыя пасля Новага года. Дакладней, кандыдаткі і дублёркі: нядаўна Лукашэнка агучыў, што гэта будуць жанчыны.
У сваю чаргу, Пуцін 24 снежня падзяліўся радаснымі планамі, што Расія і Беларусь "будуць сумесна фарміраваць інфраструктуру ў касмічнай сферы". Ён папрасіў "Раскосмас" забяспечыць падрыхтоўку і палёт у космас прадстаўніка Беларусі.
