У аварыі пад Чавусамі загінулі тры дзяўчыны

Уначы пад Чавусамі здарылася аварыя, у якой загінулі тры чалавекі, паведамляе прэс-служба МУС.

Трагедыя адбылася каля 3-й гадзіны ночы на скрыжаванні аб'язной дарогі райцэнтра. 25-гадовая кіроўца "Audi A4" не справілася з кіраваннем, з'ехала ў кювет, дзе машына ўдарылася ў прыдарожнае дрэва. Аўтамабіль загарэўся.

У аварыі загінулі кіроўца і дзве пасажыркі — адной 24, другой 19 гадоў. Выжыла толькі 22-гадовая пасажырка, якую выкінула з аўто, яе шпіталізавалі.

Следчы камітэт пачаў крымінальную справу па факце аварыі.