Тыкток выдаліў акаўнт дзяржаўнай "Мінскай праўды"
Тыкток выдаліў акаўнт дзяржаўнай "Мінскай праўды". У яго налічвалася 40 тысяч падпісчыкаў. Прапагандысты гэтым вельмі абураныя і вымушаныя завесці новы акаўнт.
Тыкток і раней блакаваў акаўнты з адкрытай прапагандай нянавісці ці пагрозамі, але "Мінскую праўду" чамусьці не чапалі. Гэтае выданне рэгулярна бэсціць апазіцыю і проста нязгодных з палітыкай уладаў людзей, бел-чырвона-белую сімволіку. Летась скандал выклікала карыкатура са свастыкай.
