Тurkish Airlines не будзе лётаць у Беларусь як мінімум да канца года
Борт Turkish Airlines / turkishairlines.com
Турэцкая авіякампанія Turkish Airlines прадоўжыла адмену рэйсаў у Беларусь да канца года. Апошні раз кампанія абвясціла, што прыпыняе палёты да канца кастрычніка. Рэйсы ў Мінск, а таксама расійскія гарады Сочы, Растоў і Екацярынбург былі адмененыя пасля пачатку вайны ва Украіне. Аэрапорт Растова з 24 лютага наогул зачынены.
Акрамя таго, Расавіяцыя напярэдадні чарговым разам таксама прадоўжыла забарону на палёты ў Растоў і яшчэ 10 аэрапортаў на поўдні Расіі.
Нацыянальная авіякампанія "Белавія" лётае ў Стамбул і на турэцкія курорты, але вымушаная аблятаць закрыты рэгіён. Праз гэта час у дарозе істотна даўжэйшы.
