Тры магілёўскія і адзін маладзечанскі ТГ-чаты прызнаныя экстрэмісцкімі
![Тры магілёўскія і адзін маладзечанскі ТГ-чаты прызнаныя экстрэмісцкімі](/sites/default/files/styles/gallery_main/public/2023-08/hubazuk-1106.jpg.webp?itok=1KWZB7zR)
Яшчэ чатыры ТГ-чаты прызнаныя экстрэмісцкімі, паведамляе ГУБАЗіК.
7 чэрвеня суд Ленінскага раёна Магілёва ўнёс у спіс экстрэмісцкіх тэлеграм-чаты "Горкі для жыцця", "Машэка ЧАТ" і "Магілёў Спадарожнік". 10 чэрвеня суд Маладзечанскага раёна дадаў туды тэлеграм-чат "Маладзечна для жыцця Chat".
Абвінавачанні выстаўляюцца традыцыйныя: інфармацыя, накіраваная на дэстабілізацыю грамадска-палітычнай сітуацыі ў краіне, заклікі да нанясення шкоды нацбяспекцы, супраціву праваахоўнікам, непрыязнасць да прадстаўнікоў дзяржорганаў і распальванне сацыяльнай варожасці па палітычных і ідэалагічных матывах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.