Вы тут

Тэлеграм-канал "Нік і Майк" абвешчаны экстрэмісцкім

Спіс "экстрэмісцкіх матэрыялаў" пастаянна расце / Ілюстрацыйнае фота pixabay.com​​

Інфармацыйная прадукцыя Telegram-канала "Нік і Майк" прызнаная экстрэмісцкімі матэрыяламі, паведамляе Генеральная пракуратура ў чацвер.

Падставай для таго, каб інфармацыйная прадукцыя гэтага рэсурсу была прызнаная экстрэмісцкай, паслужыла заява пракуратуры Мінска. Суд цалкам яе задаволіў.

У тэлеграм-канала "Нік і Майк" больш за 64 тысячы падпісчыкаў.

Як паведамляла Еўрарадыё, у Беларусі прызнаны экстрэмісцкім Telegram-канал палітычнага аналітыка Арцёма Шрайбмана. Такое рашэнне прыняў суд Чыгуначнага раёна Віцебска.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.