Таемны суд за "шпіянаж" адбыўся ў Брэсце
![Брэсцкі абласны суд](/sites/default/files/styles/gallery_main/public/2024-08/sud-2708.jpg.webp?itok=I6MQg1sl)
Брэсцкі абласны суд / фота са старонкі ў Фэйсбуку
У Брэсцкім абласным судзе некалькі месяцаў таму адбыўся суд над Дзмітрыем Шлетгаўэрам, якога вінавацілі паводле артыкулаў "садзейнічанне экстрэмісцкай дзейнасці" (ч. 1 арт. 361-4 КК) і "шпіянаж" (арт. 358 КК). Вядома пра гэты судовы працэс праваабаронцам "Вясны" стала толькі цяпер.
Прысуд Шлетгаўэру невядомы, але за шпіянаж пагражае ад 7 да 15 гадоў пазбаўлення волі. Працэс быў закрытым, на сайце Вярхоўнага суда пра яго інфармацыі не было. Пра абставіны справы праваабаронцы нічога не ведаюць.
30 жніўня ў Вярхоўным судзе адбыдзецца разгляд апеляцыйнай скаргі па справе Шлетгаўэра. Пасяджэнне будзе таксама закрытым.
Па абвінавачанні ў шпіянажы ў Беларусі могуць судзіць толькі замежных грамадзян ці асобаў без грамадзянства. З 2020 года па палітычных справах за "шпіянаж" асудзілі траіх чалавек — грамадзяніна Польшы Томаша Бярозу і ўкраінцаў Андрэя Шмая і Наталлю Захаранку, якую потым вызвалілі па абмене.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.