Сёння адзначаецца Радаўніца, дзень памінання памерлых
Сёння адзначаецца Радаўніца, дзень памінання памерлых. Старажытнае паганскае свята ўмоўна прывязанае да царкоўнага календару і прыпадае на дзявяты дзень пасля праваслаўнага Вялікадня. У храмах адбываюцца набажэнствы, падчас якіх памінаюць продкаў і радуюцца таму, што яны змогуць увайсці ў Божае Царства.
У гэты дзень прынята адведваць месцы пахавання родных, наводзіць парадак на магілах, прыносіць туды кветкі, запальваць свечкі ў памяць нябожчыкаў. Таксама прынята памінаць памерлых за святочнай трапезай і пакідаць велікоднае яйка “для спачылых”.
